Kerala PSC Police/Woman Police Constable – Special Topics Q&A. Part 10

1. മറ്റു വ്യക്തിയുടെ എ. ടി. എം. കാർഡ് ഉപയോഗിച്ച് മോഷണം നടത്തുന്നത് ശിക്ഷാർഹമാക്കുന്നത് ഏത് നിയമം ആണ് ?
A) വകുപ്പ് 70 ഇൻഫർമേഷൻ ടെക്നോളജി നിയമം
B) വകുപ്പ് 70 ഇന്ത്യൻ ശിക്ഷാ നിയമം
C) വകുപ്പ് 66 ഇൻഫർമേഷൻ ടെക്നോളജി നിയമം
D) വകുപ്പ് 66 ഇന്ത്യൻ ശിക്ഷാനിയമം
ഉത്തരം: (C)

2. അടുത്തുള്ള വസ്തുക്കളിൽ താമസിക്കുന്ന വ്യക്തികൾക്ക് പൊതുവായ ഒരു ദോഷം തീർച്ചയായും ഉണ്ടാവും എന്ന അറിവോടും ഉദ്ദേശത്തോടും കൂടി ഒരു പ്രവൃത്തി ചെയ്യുന്നത് ഇന്ത്യൻ ശിക്ഷാ നിയമത്തിൽ ഏതു വകുപ്പിലാണ് പെടുത്തിയിട്ടുള്ളത് ?
A) വകുപ്പ് 268
B) വകുപ്പ് 309
C) വകുപ്പ് 200
D) വകുപ്പ് 280
ഉത്തരം: (A)

3. മയക്കു മരുന്നിന്റെ ദുരുപയോഗവും കള്ളക്കടത്തും ശിക്ഷാർഹമാക്കുന്നതിന് കൊണ്ടുവന്ന പ്രത്യേക നിയമം.
A) ഇന്ത്യൻ ശിക്ഷാ നിയമം
B) നാർക്കോട്ടിക് ഡ്രഗ്സ് ആന്റ് സൈക്കോട്രോപിക് സബ്സ്റ്റൻസ് നിയമം
C) നാർക്കോട്ടിക് സബ്സ്റ്റൻസ് ആന്റ് ഓപ്പിയം നിയന്ത്രണ നിയമം
D) ഇന്ത്യൻ രാജ്യസുരക്ഷ നിയമം
ഉത്തരം: (B)

4. താഴെ പറയുന്നതിൽ വിവര സാങ്കേതിക നിയമപ്രകാരം ജീവപര്യന്തം വരെ തടവു ശിക്ഷ ലഭിക്കാവുന്ന കുറ്റം.
A) വ്യക്തി വിവര മോഷണം
B) സ്വകാര്യത നശിപ്പിക്കൽ
C) സ്ത്രീകളെ അപമാനിക്കൽ
D) സൈബർ ടെററിസം
ഉത്തരം: (D)

5. വിവരാവകാശ നിയമപ്രകാരം താഴെ പറയുന്നവയിൽ നിന്ന് ശരിയായ പ്രസ്താവനകൾ തിരഞ്ഞെടുക്കുക.

1. പാർലമെന്റിന്റെ വിശേഷ അവകാശത്തിന് ലംഘനമായേക്കാവുന്ന വിവരങ്ങൾ വെളിപ്പെടുത്തേണ്ടതില്ല.
2. വിവരാവകാശ നിയമപ്രകാരം വിവരം ലഭ്യമാക്കുന്നതിന് സമയപരിധി നിഷ്കർഷിച്ചിട്ടുണ്ട്.
3. വിവരം എന്നതിന്റെ നിർവചനത്തിൽ ഇലക്ട്രോണിക് രൂപത്തിൽ സൂക്ഷിച്ചിരുന്ന വസ്തുക്കൾ ഉൾപ്പെടുന്നില്ല.
4. വിവരം ലഭ്യമാക്കുന്നതിൽ പൊതുതാൽപര്യത്തിന് പ്രാധാന്യം ഉണ്ട്.
   A) പ്രസ്താവനകൾ എല്ലാം ശരിയാണ്
   B) പ്രസ്താവനകൾ (1), (2), (4) ശരിയാണ്
   C) പ്രസ്താവനകൾ (1), (2), (3) ശരിയാണ്
   D) പ്രസ്താവനകൾ (2), (3), (4) ശരിയാണ്
   ഉത്തരം: (B)

6. വിവരാവകാശ നിയമപ്രകാരം ആവശ്യപ്പെടുന്ന വിവരം മൂന്നാമതൊരു വ്യക്തിയുടെ പക്കൽ നിന്ന് സ്വീകരിക്കേണ്ടതും ആയത് ആ വ്യക്തി രഹസ്യമായി കരുതുന്നതും ആണെങ്കിൽ അനുവർത്തിക്കേണ്ട നടപടികൾ.
A) വകുപ്പ് 11 വിവരാവകാശ നിയമം
B) വകുപ്പ് 10 വിവരാവകാശ നിയമം
C) വകുപ്പ് 8 വിവരാവകാശ നിയമം
D) വകുപ്പ് 7 വിവരാവകാശ നിയമം
ഉത്തരം: (A)

7. കുട്ടികൾക്കെതിരെയുള്ള ലൈംഗികാതിക്രമം തടയുന്നതിനായി ഉണ്ടാക്കിയ പോക്സോ നിയമം നിലവിൽ വന്ന വർഷം.
A) 2013
B) 2014
C) 2012
D) 2015
ഉത്തരം: (C)

8. പുരുഷത്വമില്ലാതാക്കുന്ന രീതിയിൽ ഒരാളെ ദേഹോപദ്രവം ഉണ്ടാക്കുന്നത് ഇന്ത്യൻ ശിക്ഷാനിയമത്തിൽ ഏത് കുറ്റമാണ് ?
A) ദേഹോപദ്രവം
B) കഠിന ദേഹോപദ്രവം
C) ലൈംഗിക പീഡനം
D) വധശ്രമം
ഉത്തരം: (B)

9. വിവാഹിതയായ സ്ത്രീകൾ അസ്വഭാവിക സാഹചര്യങ്ങളിൽ മരണപ്പെടുമ്പോൾ സ്ത്രീധനമരണമായി കണക്കാക്കുന്നത് വിവാഹ ശേഷം എത്ര വർഷങ്ങൾക്കുള്ളിൽ സ്ത്രീധനവുമായി ബന്ധപ്പെട്ട് മരണം സംഭവിക്കുമ്പോഴാണ് ?
A) 5 വർഷം
B) 7 വർഷം
C) 10 വർഷം
D) 6 വർഷം
ഉത്തരം: (B)

10. ഒരു വ്യക്തി ലൈംഗിക ഉദ്ദേശത്തോടുകൂടി ഒരു കുട്ടിയെ അശ്ലീലകാര്യത്തിനായി വശീകരിച്ചാൽ പോക്സോ നിയമപ്രകാരം ഏത് കുറ്റമായി കണക്കാക്കും ?
A) ലൈംഗിക പീഡനം
B) സ്ത്രീത്വത്തെ അപമാനിക്കൽ
C) ലൈംഗികാതിക്രമം
D) ഗൗരവകരമായ ലൈംഗികാതിക്രമം
ഉത്തരം: (A)